تعديل الفرامل من ماستر عمومى الى سيرفو

بسم الله الرحمن الرحيم 

تعديل الفرامل من ماستر عمومى الى سيرفو فيات 127 موديل 1984 

 

   المطلوب شراءه :- 
    1- سيرفو 127 .. جديد 190 جنيه 

    2- قاعدة سيرفو استيراد " مفيش منها جديد " بــ 100               جنيه .. بعد الفصال الاتنين ب 60 جنيه
    3- خرطوم سيرفو ( واصل ما بين المنافول و سيرفو )
        المتر ب 20 جنيه
    4- 2 كوليه بــ 4 جنيه
    5- علبتين زيت باكم كبير
    

الخطوات :- 

فنى  الفرامل بيفك خزنه الزيت الماستر والخراطيم بتاعته...

بيفك بينز سلك الدبرياج من الدواسه من جوه العربيه ...

بيركب القاعده الحديد فمكانها...

ويركب عليها السيرفو والماستر..والخراطيم ويقفل ..

هتروح للخراط يعملك لاكور فى المانفول عشان يركب مكان الطبه اللى بتبقى راكبه 

قافله مكان توصيل الخرطوم بتاع السيرفو وبتتفك بمفتاه الانكيه..

هتاخد الطبه وتقوله عايز لاكور من ناحيه قلاووز زى ده ومن الناحيه التانيه بزبوز 

هيركب عليه الخرطوم ده (تاخد معاك خرطوم السيرفو).

الخراط هيعمللك اللاكور وياخد 20 جنيه...

ترجع على بتاع الفرامل ويركب اللاكور مكان الطبه ويوصل الخرطوم ويقفل عليها 

بالكوليهات وياخد هوا من الفرامل...

ويركب بينز سلك الدبرياج ..ويوصل الاستوب بدواسه الفرامل..

والف مبروك الفرامل بقت سيرفو زى السوبر فيورا ..

شكرا لاستاذ / اشرف فتحى