السلام عليكم و رحمة الله و بركاته
بسم الله الرحمن الرحيم
طقم الشنبر
يعني إيه عربية عايزة طقم شنبر ؟!
في البداية كدة وقبل أي شئ إحنا عندنا البساتم زي ما أغلبنا عارف إنها بتبقي داخلة جوة الإسطوانة ولكن دايرة البستم بتبقي أصغر شوية من دايرة الإسطوانة فا عشان كدة من الطبيعي بيبقي فيه فرق بسيط بين البستم وبين جدار الإسطوانة هو الفرق ده بقي محور موضوعنا ..
================
الشنبر ده بيبقي زى حزام بيركب علي البستم عشان يسد الفرق اللي إحنا بنقول عليه اللي بيبقي بين البستم وبين جدار الإسطوانة عشان لما البنزين يتحرق وينتج ضغط فا البستم ميسربش ضغط الحريق ده من الفرق اللى بينه وبين جدار الإسطوانة ..
================
وفي نفس الوقت الشنبر برضو بيمنع وصول الزيت لغرفة الحريق نفسها اللي هي الإسطوانة يعنى وبالنسبة لعدد الشنابر فا بيبقي فيه 3 شنابر بيركبوا علي البستم أول واحد فيهم من تحت وده بيبقى بتاع الزيت اللى بيمسح الزيت اللى أتطرتش على جسم الإسطوانة والمكبس بيضغط البنزين والهوا يعنى والمكبس فوق ..
================
وأحياناّ هنلاقي الميكانيكي بيقول إن الشنبر قفش ومعني إن الشنبر قفش يعنى الموتور سخن جداّ والشنبر أتمدد على الأخر لدرجة إنه أتزنق فى الإسطوانة جامد ولما بيحصل تاّكل فى جسم الإسطوانة الداخلى مع الوقت نتيجة الإحتكاك بين جسم الإسطوانة والشنابر والنار الولعة اللى بتبقى جوة فا تلاقى الشنبر مبقاش حابك مع الإسطوانة يعنى المسافة بينهم بقت كبيرة ورجع الفرق من تاني اللي أتكلمنا عنه فوق فا بالتالي بيتسرب الضغط من الإسطوانة وبيتسرب الزيت من تحت للإسطوانة فوق ويبقى ساعتها الموتور يقولك بقي خفيف وعايز طقم شنبر وهنا لازم عمرة كاملة لأن المتعارف عليه يقلوللك أعمل نص عمرة وغير طقم شنبر بس لكن بيبقي فيه مشكلة محدش بياخد باله منها ..
================
هي الناس اللى بتصنع الإسطوانة بتاعة الموتور دي بيبقوا عاملين حساب كام عمرة ممكن تعملها للموتور ده ؟! وعلى اساس كدة بتلاقى مقاسات مختلفة من بساتم الموتور نازلة من الشركة الأم ومقاسات مختلفة من الشنابر برضوا عشان لما الموتور يفوت الشنبر ده بيبقى ليه زي حرف حامى عشان يمسح الإسطوانة زى ما قولنا فوق ومع الوقت الحرف ده بيقل لما الموتور بيفوت + إن الشميز اللي هو جدار الإسطوانة إتاكل شوية فا المفروض فى العمرة إنك عند الخراط بتشيل ربع مللى (0.25 ملليميتر) من القطر الداخلى للشميز عشان الشنبر الجديد يحكم مع الشميز ..
_____________________________________________________________________
التكلفة تقريبا مع مراعاه تغير اسعار السوق
_________________________________
- طقم شنبر فوكاب برازيلى --------- 110 جنيه
- طقم شنبر المانى------------------ 140 جنيه
- طقم كاوتش صباب ايطالى -------- 15 جنيه
- جوان وش السلندر -------------- 18 جنيه
- اويلسيل كرنك امامى و خلفى ----- 25 جنيه
- جوان غطاء تيكهات ------------- 10 جنيه
- انبونة سيلكون رمادى حرارى---- 10 جنيه
- جوان غطاء تيكهات ------------- 10 جنيه
- انبونة سيلكون رمادى حرارى---- 10 جنيه
- علبة جمالاكا لجوان وش السلندر- 10 جنيه
- جوان فرن شكمان -------------- 8 جنيه
- جوان فرن شكمان -------------- 8 جنيه
- جوان شكمان ------------------ 2 جنيه
- جوان كارتيرة سفلية ----------- 10 جنيه
اجمالى المشتريات ----------- 358 جنيه
ضيف سعر جركن زيت تعاون لتلين يتعمل عليه 1000 ك و ينزل ب 65 جنيه -- فلتر زيت المانى ب 30 جنيه
مع مراعاه مصانعيات و الخراط اذا لزم الامر
____________________________________
شكرا لكلا من
اجمالى المشتريات ----------- 358 جنيه
ضيف سعر جركن زيت تعاون لتلين يتعمل عليه 1000 ك و ينزل ب 65 جنيه -- فلتر زيت المانى ب 30 جنيه
مع مراعاه مصانعيات و الخراط اذا لزم الامر
____________________________________
